Edhe këtë herë ekipi i Vllaznisë ka ngelur duarbosh nga ajo çfarë prisnin të ndodhte në mbledhjen e Këshilli Bashkiak të Shkodrës. Në rendin e ditës priteshe të miratoheshin pasqyra financiare e vitit 2016 dhe fondi prej 170 miljonë lekë për klubin Vllaznia. Është për të ardhur keq se si një emër kaq i madh i futbollit shqiptar është katandisur në këtë pikë, ku lojtarët nuk janë paguar që nga muaji Majë.
Shkak i kësaj shtyrje është bërë pjesëmarrja e ulët e këshilltarëve, ku të pranishëm ishin 20 nga 51 dhe për miratim duhet të ishin të pranishëm të paktën 26. Nga kjo situatë kryrtari i Këshillit Bashkiak Shkodër deklaroi moszhvillimin e Asamblesë dhe se do të caktohej një datë tjetër për zvillimin e mbledhjes.
Ndërsa administratori i klubit Astrit Gjyrezi është shprehur se : ‘miratimi i fondit të Asamblesë është vetëm çështje kohe dhe do të kalojë shumë shpejt. Janë po këta këshilltarë që e kanë miratuar fondin, prandaj mbetet vetëm si proces që të kalojë nga Asambleja dhe besoj që do ndodhë shumë shpejt. Kjo situatë nuk do të ndikojë në harmoninë e grupit, pasi e kanë të qartë që fondi do të kalojë.”
Ndërkohë ekipi i Vllaznisë në dy ndeshje të luajtura në kampionat, ka regjistruar një fitore ndaj Lushnjes dhe një humbje këtë javë në shtëpi nga Teuta.
