Edhe bota e futbollit është kapur nga paniku i koronavirusit. Shumë lojtarë kanë rezultuar me koronavirus, e po kështu edhe masat nuk kanë munguar për të frenuar këtë virus.
Aktualisht UEFA është duke mbajtur një video-konferencë me 55 federatat anëtare. UEFA ndodhet në një mbledhje emergjente pas situatës që ka prekur gjithë botën me pandeminë. Për këtë arsye janë shtyrë thuajse të gjitha kampionatet.
Mësohet se është marrë vendimi për shtyrjen e tij për në vitin 2021, në verë. Kampionati evropian do të nisë më 11 qershor dhe do të vijojë deri më 11 korrik.
“Kampionati do të zhvillohet nga data 11 qershor deri në 11 korrik 2021”, shkruan në profilin e saj Federata Norvegjeze, pas video-konferencës së UEFA-s me 55 federatat europiane të futbollit.
Në pritje të zyrtarizimit të shtyrjes së Kampionatit Europian në verën e vitit 2021, UEFA është në këto momente duke zhvilluar video-konferencën e udhëhequr nga presidenti Aleksander Ceferin, me 55 federatat europiane të futbollit.
