Arabia Saudite dhe tre shtete të tjera arabe kanë shtyrë me 48 orë afatin ndaj Katarit për pranimin e listës së kërkesave, ose në rast të kundër paralajmërojnë përballje me sanksione të tjera më të ashpra.
Afati fillestar për Katarin që të pranojë 13 kërkesat e vendeve të Gjirit , përfshirë mbylljen e rrjetit të lajmeve Al Jazeera, skadoi të dielën.
Ndërsa Katari ka thënë se do të paraqesë përgjigjen e tij zyrtare në një letër dërguar Kuvajtit të hënën.
Katari mohon akuzat e fqinjëve të tij se financon ekstremizmin.
Ministri i jashtëm i shtetit do të udhëtojë në Kuvajt sot për të dorëzuar letrën e dërguar nga emiri i Katarit emirit të Kuvajtit, i cili është ndërmjetësi kryesor në krizën e Gjirit.
Të shtunën, Ministri i Jashtëm i Katarit Sheik Mohammed bin Abdulrahman bin Jassim Al-Thani tha se shteti kishte hedhur poshtë kërkesat, por ishte gati të angazhohej në dialog në kushte të përshtatshme.
Katari ka qenë nën sanksione të pashembullta diplomatike dhe ekonomike prej javësh nga Arabia Saudite dhe aleatët e saj, Egjipti, Emiratet e Bashkuara Arabe (UAE) dhe Bahreini.
