Një tjetër parti do të marrë pjesë në zgjedhjet vendore. Është Aleanca Kuq e Zi, që ka bërë publike faktin se do të marrë pjesë në zgjedhjet e parashikuara në 30 qershor të këtij viti.
Vendimi për regjistrimin e saj në zgjedhje, kjo parti e argumenton si një pranim të rekomandimit të Ambasadës së Shteteve të Bashkuara në Shqipëri, e cila ka bërë thirrje ndaj gjithë aktorëve politik dhe partive politike që të regjistrohen në zgjedhje.
Sipas AK, bojkoti është shitje e zgjedhjeve në heshtje dhe se “lufta civile në 30 qershor”, e artikuluar shpesh së fundmi nga përfaqësuesit e opozitës që ndodhen jashtë Parlamentit “është një skenar rus”.
AK shprehet se është kundër marrëveshjes Rama-Basha, dhe që do të tërhiqet nga zgjedhjet nëse kryeministri dhe kryetari i opozitës bëjnë pazare.
Sipas saj, lufta për Bashkinë e Tiranës është edhe një sfidë për Shqipërinë, tregon gjithashtu se do të bëhen pjesë e koalicionit kundër PD dhe PS të cilat i quan banda.
