Deputeti i Partisë Demokratike, Eduat Selami, deklaron se nuk pajtohet me vendimet e marra nga kryetari Basha për bojkotin e Parlamentit. Selami sulmon drejtpërdrejt Bashën, duke e akuzuar se ka përdorur çadrën për të anashkaluar institucionet kushtetuese. Selami ka deklaruar se kryetari i PD-së, Basha, e ka përdorur çadrën si alibi, duke i larguar deputetët e opozitës nga Parlamenti në një moment të rëndësishëm për vendin. Selami tha se bojkoti i Parlamentit ka penguar punën për miratimin e reformës në drejtësi. Për Selamin kjo reformë është e lidhur drejtpërdrejtë me rrugën e integrimit të vendit drejt Bashimin Evropian.
Mes të tjerave, Selami ka deklaruar se retorika e Bashës për të mos hyrë në zgjedhje është e pa precedent. Me Selamin, u shtuan zërat kundër Bashës dhe vendimeve të tij personale. Kundra Bashës, më parë, drejtpërdrejtë dhe hapur kishte dalë vetëm Jozefina Topalli. Por sot doli hapur dhe Majlinda Bregu dhe Eduart Selami. Nuk mund të aludojmë se do ketë të tjerë, por ka zëra të cilët thonë se po përgatitet grupi kundër Bashës, brenda PD-së. Nuk dihet se ç’do të ndodh me PD-në dhe protestën opozitare, por duket se bojkoti po fillon brenda Partisë Demokratike.
