Një nëndetëse e re, më e përparuara teknologjikisht deri tani, është futur në shërbim të ushtrisë amerikane. Nëndetësja e re, që i përket klasit të parë të nëndetëseve, ka aftësinë të mbajë raketa balistike me mbushje bërthamore.
“Ky kapacitet shtesë e forcon aftësinë parandaluese dhe ua ofron Shteteve të Bashkuara një armë strategjike me aftësi më të madhe të mbijetesës”, tha përmes një deklarate nënsekretari i mbrojtjes, John Rood.
Njoftimi për nëndetësen e re u bë që nga viti i kaluar nga administrata e Trump, por për shkak të një “boshllëku” në kapacitetet parandaluese, nëndetësja e re ishte ende në testim.
Demokratët në Dhomën e Përfaqësuesve e kritikuan këtë vendim, duke e cilësuar si të rrezikshëm.
“Vendosja e kësaj nëndetëse në përdorim nuk i bën amerikanët më të sigurt. Në vend të kësaj, ky veprim e rrit potencialit për llogaritje të gabuar gjatë një krize”, janë shprehur më herët ata nëpërmjet zëdhënësve.
