Agjencia e jashtme e inteligjencës gjermane BND gjithnjë e më shumë po fokusohet në Ballkan dhe veçanërisht në Bosnje-Hercegovinë me shumicë muslimane, raporton Berliner Zeitung. Bosnja ndeshet me një ndikim në rritje nga shtetet e Gjirit, shkruan dw.com
Agjensia gjermane e inteligjencës (BND) është gjithnjë e më e shqetësuar rreth tendencave islamike në Bosnje-Hercegovinë, njoftoi të martën gazeta e përditshme e Berlini Zeitung, duke cituar burime nga komuniteti i inteligjencës. Agjencia dyshohet se po e kthen vëmendjen e saj në të gjithë rajonin e paqëndrueshëm të Ballkanit.
Për gjeneratat, popullsia myslimane në Bosnjën multietnike ka respektuar një interpretim shumë liberal të Islamit. Kjo perspektivë u përforcua edhe nga autoritetet në ish-Jugosllavinë laike, që përfshinte Bosnjën bashkë me gjashtë shtete të tjera ballkanike të ditëve të sotme. Megjithatë, ndarjet fetare u ndezën gjatë shpërbërjes së shtetit socialist në vitet 1990 dhe ndikimi i fesë ka qenë në rritje që nga ajo kohë.
Gjatë luftës, vullnetarë nga vende të ndryshme të Lindjes së Mesme udhëtuan për në Ballkan për të bashkuar forcat me boshnjakët muslimanë. Shumë prej tyre u lëshuan pasaporta boshnjake pas luftës dhe vazhduan të rekrutonin të rinjtë për luftën e tyre fetare.
Sipas raportit të së martës, Arabia Saudite dhe shtetet e tjera të Gjirit po investojnë shumë para për të nxitur një mësim shumë më të rreptë, vehabist të Islamit Sunit në shoqërinë boshnjake. Bamirësit saudite gjithashtu derdhën fonde në ndërtimin e vendeve të adhurimit, duke përfshirë Xhaminë e Mbretit Fahd në Sarajevë, xhaminë më të madhe në Ballkan, e cila dominohet nga vehabitë.
‘Shtete të brishta’
Qindra njerëz nga Bosnja gjithashtu udhëtuan për në Lindjen e Mesme për t’u bashkuar me milicitë xhihadiste në vitet e fundit, me raste të ngjashme të raportuara edhe në shtetet e Ballkanit, të dominuara nga myslimanët, Kosova dhe Shqipëria. Sipas mediave ballkanike, lufta në Siri tërhoqi një numër veteranësh nga luftërat jugosllave, të cilët shkuan për të luftuar si mercenarë.
Një tjetër çështje, thuhet në Berliner Zeitung, është se vendi ishte pjesë e të ashtuquajturës rrymë Ballkanike gjatë fluksit të refugjatëve të vitit 2015, që panë mbi një milion emigrantë që udhëtonin nga Mesdheu nëpër Greqi dhe më tej në veri për të arritur vendet e pasura të Europës Perëndimore.
BND është gjithashtu bashkëpunim me shërbime të tjera të inteligjencës në aktivitetet e tyre lidhur me Ballkanin, sipas raportit.
Dy javë më parë, shefi i BND-së Bruno Kahl e përshkroi Bosnjen dhe disa vende ish-Jugosllave si potencialisht “shtete të brishta”. TIRANA TODAY
