Një imazh dramatik tregon një shtëpi në ishujt Kanare, që ka arritur t’i shpëtojë llavës nga një vullkan shpërthyes. Njerëzit në mediat sociale e kanë quajtur rezidencën në La Palma një “shtëpi mrekullie”.
Vullkani filloi të shpërthejë të dielën. Më shumë se 200 shtëpi janë shkatërruar, dhe rreth 6.000 njerëz janë evakuuar. Llava nga vullkani Cumbre Vieja është ende duke përparuar, dhe shkencëtarët nuk janë të sigurt se sa gjatë do të zgjasë shpërthimi.
Imazhi i fotografit Alfonso Escalero, tregon shtëpinë e rrethuar nga lumenj llavash nga vullkani Cumbre Vieja. Ajo është në pronësi të një çifti danez në pension, Inge dhe Ranier Cocq, të cilët nuk kanë vizituar që nga fillimi i pandemisë, sipas El Mundo. Llava ka përfshirë shtëpitë, shkollat dhe disa plantacione me banane.
“Ata nuk duan të flasin me askënd, sepse nuk do të pushojnë së qari”, tha zonja Monnikendam.
Duke reflektuar mbi imazhin, zonja Monnikendam tha se ishte “e trishtueshme të dije se shtëpia është atje, vetëm pa qenë askush në gjendje të kujdeset për të”.
“Ju mund të dëgjoni zhurmën e vullkanit në sfond”….
Zyrtarët lokalë thonë se llava mund të shkaktojë një reaksion kimik, që sjell shpërthime dhe lëshimin e gazrave toksikë nëse arrin në det.
Të enjten, ekspertët thanë se llava aktualisht po lëvizte “shumë ngadalë”. Tani nuk është e qartë nëse rrjedha do të arrijë në det.
Qeveria e ishujve Kanare ka njoftuar planet për të blerë dy banesa për ata që mbeten të pastrehë.
Kryeministri spanjoll Pedro Sánchez, ka fluturuar drejtpërdrejt nga La Palma në Nju Jork për një udhëtim të shkurtër, për t’iu drejtuar Asamblesë së Përgjithshme të OKB -së. Dhe do të kthehet menjëherë në Ishujt Kanare, për të mbikëqyrur operacionet emergjente.
Burimi i lajmit: BBC. Përshtatur nga Tirana Today
