Reperi me famë botërore T.I ka publikuar një video promocionale për albumin e ri, që ka shkaktuar ‘tërmet’ në Shtëpinë e Bardhë. Një zëdhënëse e Melania Trump ka bërë thirrje për bojkot ndaj reperit, pasi në video shfaqet një modele e ngjashme me Zonjën e Parë e cila zhvishet në Zyrën Ovale dhe kërcen para reperit.
Tjetër ngjashmëri mes modeles dhe Melania është edhe xhaketa që mban veshur modelja, e cila shkruan pas: “Mua vërtetë nuk ma ndjen, po ty?” një veshje të ngjashme që Melania Trump kishte veshur më herët këtë javë në Teksas. “Si mund të pranohet kjo? E përshitë, bojkotoni T.I.”, shkroi zëdhënësja e Zonjës së Parë, Stephanie Grisham, ndërsa vetë Melania Trump e shpërndau në Twitterin e saj këtë postim.
Në një prononcim për “Fox News”, Grisham tha se “Ju pëlqen apo jo, ajo është Zonja e Parë dhe kjo që ndodh në Shtëpinë e Bardhë. Është mungesë respekti dhe e neveritshme ta portretizosh atë në këtë mënyrë thjeshtë për shkak të politikës. Këto lloj sulmesh vulgare vetëm se thellojnë më tej ndarjen dhe paragjykimin në vend – dhe kjo duhet të marrë fund.”
Në një intervistë me “ABC News”, Melania Trump ka theksuar se ndjen sikur është “personi më i keqtrajtuar në botë.” T.I. emri i të cilit është Clifford Harris ka kritikuar ashpër ish-bashkëpunëtorin Kanye West për mbështetjen ndaj Trump. Ai tha se nëse dikur ishte krenar që kishte bashkëpunuar me të, tani i vinte turp nga ai bashkëpunim, shkruan Klan.
