Ka disa teori konspiracioni në lidhje me pseudo-vdekjet e njerëzve të famshëm. Nuk ka prova, por për disa arsye ne duam t’i besojmë ato teori.
Michael Jackson
Vdiq më 25 qershor 2009, për shkak të mbidozës së drogës.
Vdekja dyshohet të jetë inskenuar nga Michael për të dalë nga borxhet dhe për të jetuar pjesën tjetër të jetës në paqe dhe qetësi.
Në vitet 1993 dhe 2003, Jackson u akuzua për ngacmime ndaj fëmijëve. Në të dy rastet, fajësia e tij nuk u vërtetua. Ngjarjet dhe ndryshimet e vazhdueshme në pamjen e tij (ngjyra e lëkurës dhe forma e fytyrës) ishin arsye pse shumë njerëz e sulmonin për vite me radhë.
Çdo vit shfaqet një “dëshmi” e re që ai është gjallë. Vitin e kaluar, ishte një selfie e vajzës së tij, Paris, ku teoricienët e konspiracionit arritën të shihnin Michael. Këtë vit, një shkrepje e Sergio Cortes shkaktoi një valë të re thashethemesh dhe teorish.
Elvis Presley
Elvis Presley vdiq më 16 gusht 1977, për shkak të mbidozës.
Këngëtari dyshohet se inskenoi vdekjen e tij në mënrë që të tërhiqej nga biznesi tregtar i bezdisshëm.
Teoria për vdekjen e tij fiktive u mbështet nga disa fakte. Këto përfshijnë hetime mjekësore konfidenciale për shkakun e vdekjes së tij, mungesën e fotografive të trupit të vdekur të këngëtarit dhe gabimin në emrin e shënuar në gurin e varrit të tij: Aron në vend të Aaronit.
Menjëherë pas vdekjes së King of Rock ‘n’ Roll, Jimmy “ Orion” Ellis u shfaq në shfaqje. Ai i ngjante idhullit jo vetëm në llojin e trupit, por edhe në timbrin e njëjtë të zërit. Ky këngëtar gjithmonë dilte i veshur me një maskë si në skenë dhe në publik, prandaj shumë njerëz mendonin se ishte vetë Elvis.
Princesha Diana
Më 31 gusht 1997, Diana vdiq në një aksident me makinë në Paris.
Shumë njerëz mendojnë se Princesha Diana me të vërtetë u aksidentua atë natë, por nuk vdiq. Lëndimet e saj nuk ishin fatale, dhe ajo shpëtoi.
Në vend të Dianës, një grua tjetër u varros dhe princesha e mbijetuar u nis për në SHBA, ku ajo jeton një jetë të thjeshtë, duke komunikuar herë pas here me bijtë e saj. Megjithatë, kjo nuk është e vetmja teori konspirative për vdekjen e saj.
Versioni rreth princeshës së mbijetuar mbështetet nga fakte të paqarta. Për shembull, ajo u varros në një arkivol të mbyllur. Nuk ka fotografi të trupit të vdekur të Dianës dhe asnjë fotografi të saj para vdekjes, përveç një foto të një gruaje bionde në makinën e dëmtuar gjatë aksidentit.
Kurt Cobain
Sipas një versioni të hetuesisë, Cobain injektoi një dozë fatale heroine. Më pas, ai u qëllua në kokë më 5 prill 1994.
Në vitin 2016, Daily Mail publikoi një artikull provokues me një titull duke thënë se këngëtari mund të jetë gjallë.
Në videon e 2012, këngëtari peruan Ramiro Saavedra interpreton këngën e Nirvanës “Come as you are”. Artisti me të vërtetë i ngjan Cobainit si në zë edhe në pamje. Megjithatë, nuk ka gjasa që një person i vetëdijshëm do të besonte se ishte vetë Cobain.
Tupac Shakur
Më 13 shtator 1996,Tupac Shakur vdiq pasi mori shumë plagë me armë zjarri.
Thuhet se Tupac është ende gjallë dhe jeton në Kubë. Teoricienët përpiqen të përdorin shumë detaje që as nuk mund të vërtetohen as të mohohen.
Vrasësi i Tupac ende nuk dihet. Kadillaku i bardhë nga i cili u qëllua u zhduk në një drejtim të panjohur në një qytet të rrethuar nga një shkretëtirë. Pas vdekjes së reperit, janë publikuar 7 albume me këngë të reja të tij, më shumë se numri i albumeve që ai publikoi kur ishte ende gjallë. Të gjitha këto dhe disa fakte të tjera mbështesin idenë se reperi legjendar i gangstave është ende gjallë.
Marilyn Monroe
Më 5 gusht 1962, Marilyn Monroe vdiq nga një mbidozë, dhe versioni zyrtar i vdekjes së saj është vetëvrasja. Në kohën e vdekjes simboli i seksit vuante nga çrregullime mendore dhe ishte e varur nga ilaçet.
Fotot pas vdekjes të aktores duket se janë shumë të dyshimta. Ka disa teori, dhe më e njohura është se një aktoreje të panjohur që dukej si Marilyn ju injektua një dozë vdekjeprurëse droge dhe u transferua në apartamentin e Marilyn.
Marilyn e vërtetë, u mor nga njerëzit e Kennedyt dhe u dërgua fshehurazi në Zvicër, ku u vendos në një spital privat dhe të mbrojtur mirë. Atje ajo u takua me Dr Laube, një i ve me 3 djem, dhe shumë shpejt u martua me të dhe u vendos në Zvicër. Në vitet ’70, bashkëshorti i saj vdiq, por ajo është ende gjallë dhe shëndoshë e mirë, duke shijuar nipërit e mbesat e saj.
Paul Walker
Më 30 nëntor 2013,Paul Walker vdiq në një aksident me makinë.
Thuhet se fotot e targave të makinave nuk përputhen. Gjithashtu, fansat e tij ishin të befasuar nga fakti se policia nuk e izoloi vendin e aksidentit, duke i lejuar të gjithë të kapin fotografi. Megjithatë, në asnjë prej tyre nuk ka trup të vdekur.
Sipas një versioni, edhe ngjyrat e makinave janë të ndryshme. Megjithatë, shumë njerëz besojnë se Pauli jeton në një ishull privat diku në qetësinë e tij. (TIRANA TODAY)
