Një grua 58-vjeçare shqiptare ka tentuar që t’i japë fund jetës duke u djegur në ambientet e një gjykate në Itali.
Shqiptarja është shpëtuar nga një avokat, i cili gjendej në atë moment pranë saj, duke e ndihmuar atë të hiqte xhaketën.
Sipas mediave italiane, 58-vjeçarja ishte në katin e parë të ndërtesës, përpara kancelarive civile, kur filloi të bërtiste “drejtësia në Itali nuk është e drejtë”, pastaj nxori një çakmak nga çanta dhe ndezi xhaketën prej najloni.
Ndërkohë, gruaja u dërgua me urgjencë në spitalin e Riminit, e ku ndodhet jashtë rrezikut për jetën.
