Një emigrant shqiptar që punoi si kamerier në Long Island për 24 vjet tha se agjentët e Imigracionit dhe Doganave (ICE) e arrestuan dhe e deportuan për në Shqipëri në muajin prill të këtij vit.
Sokol Vokshi aktualisht po qëndron në Durrës. Ai tha se ICE nuk e lejoi atë të takonte familjen e tij gjatë gjithë procesit.
https://tiranatoday.com/po-e-kerkojne-te-gjithe-shqiptari-ne-hall-sdi-cfare-me-goditi/
“Nuk e di se nga më erdhi,” tha Vokshi në New York Post të hënën.
Avokati i tij, Altin Nanaj, tha se Vokshit i ishte dhënë një numër sigurimi social dhe leje pune vjetore. Ai gjithashtu kishte paguar tatimet e tij dhe nuk ka të dhëna penale.
“Ky është një njeri i familjes model që punonte ditë e natë, por ICE është pas të gjithëve”, tha Ninaj.
Jimmy Trahanas, pronari i restorantit , ku punoi Vokshi tha se dyshonte se diçka ishte bërë gabim lidhur me deportimin e shqiptarit.
“Klientët u mërzitën.Të gjithë po e kërkonin”, -tha Trahanas.
Njerëzit kanë dhuruar më shumë se 17,000 dollarë që nga data 22 prill në një lëvizja të titulluar “Get Sal Back to the USA”. Roja i restorantit Warren Prosky filloi mbledhjen e fondeve për të kompensuar shpenzimet ligjore të Vokshit. Një poster varet në dritaren e lokalit për fushatën.
Vokshi tha se kur ICE i dërgoi një letër duke kërkuar të paraqitej më 3 prill, ai mendoi se ishte një takim rutinë për të diskutuar apelin e tij për shtetësinë.
Megjithatë, shqiptarin e lanë 3 ditë në burg, dhe ata e dërguan atë në një aeroplan që do fluturonte drejt Shqipërisë, ku jeton motra e tij.
“Nuk e njoh këtë vend,” tha Vokshi. 47-vjeçari është përpjekur të gjejë një punë, por ai tha se restorantet dhe baret e hedhin poshtë sepse thonë se është shumë i vjetër.
Vokshi tha nëse nuk mund të kthehet në SHBA, gruaja dhe vajzat e tij do të bashkohen me të në Shqipëri. “Nuk mund të ndahemi,” tha ai.
Burimi: ijr.com
Përshati: Tirana Today
