Një shqiptar është gjetur i vdekur nën shinat e trenit ne Athinë. Mediat greke bëjnë me dije se kanë qenë së paku 4 automjete të ndërhyrjes së shpejtë dhe dhjetë burra të forcave zjarrfikëse që ndërhynë në vend, për të nxjerrë nga shinat trupin e sakatuar të shqiptarit.
Ai thuhet se është 51-vjeç, por nuk bëhet i ditur emri dhe nga dyshimet e para flitet për një vetëvrasje. Policia ka thënë se shqiptari është hedhur në shinat e trenit në stacionin e Omonias, rreth orës 21.00 të mbrëmjes, në kohën që ky i fundit po hynte në stacion.
Sipas dëshmive, pamjet ishin të tmerrshme, pasi mbi trupin e tij kaluan disa vagona. Ndërkohe që stacioni mbeti i bllokuar për së paku 2 ore. Policia ka nisur hetimet për shkakun e ngjarjes, ndërkohe që trupi është dërgua në morg.
