Miran Behluli është i riu nga nga fshati Lluçan i komunës së Bujanocit, i cili ka linçuar një aplikacion që ka të bëjë me zhvillimin e një loje atraktive e që është i disponueshëm për dy sistemet kryesove operative të telefonave të mençur, Android dhe iOS.
Aplikacioni quhet “Orbavoid” dhe është pritur me dashamirësi nga të apasionuarit e lojërave.
Megjithatë, Mirani siguron se ky nuk do të jetë projekti i fundit i tij, pasi ai ka shumë ambicie dhe plane të tjera, të cilat synon t’i realizojë me sukses.
Talenti i të riut tashmë ka bërë jehonë edhe në mjedise të mëdha, siç është Shkupi. Miran Behluli veprimtarinë e tij po e zhvillon në një produksion me renome jo vetëm për Maqedoninë, por edhe për mbarë rajonin, ndërsa kreativiteti i tij padyshim se do të jetë i mirëseardhur për gjithë teknologjinë informative.
