Një shqiptar me banim në Itali ka vrarë gruan për shkaqe xhelozie, e më tej i ka dhënë fund jetës. Shkëlqim Bedeli, 55-vjeç, i ka marrë jetën bashkëshortës së tij, Shegushe Paeshti, po 55-vjeç dhe më pas ka vrarë edhe veten. Shkëlqim Bedeli, i papunë, sipas hetimeve e mbyti gruan e tij Shegushe para se të varte edhe veten. Në banesën ku jetonte çifti, u zbuluan të enjten trupat e dy viktimave.
Për herë të parë, ajo nuk ishte paraqitur në punë. Dhe fëmijët, të cilët sapo ishin nisur për pushime, u përpoqën të kontaktonin prindërit e tyre, por pa sukses. Këto ishin shenjat e një tragjedie, që askush nuk do ta kishte imagjinuar.
Kjo është kronika e dramës së Calino, një fshat i Cazzago San Martino, ku Shkëlqim Bedeli dhe Shegushe Paeshti jetuan për gati 20 vjet. Burri dhe gruaja (të dy 55-vjeç) u gjetën të pajetë në shtëpinë e tyre.
Një nga fëmijët e çiftit ka dhënë alarmin, pasi nuk kishte qenë në gjendje të kontaktonte prindërit prej ditësh.
Karabinierët ndërhynë me zjarrfikësit e komandës provinciale, rreth orës 10 të mëngjesit të së enjtes. Burri u gjet i varur tek parmaku i shkallëve, ndërsa gruaja ishte shtrirë mbi to. Hetimet e mëvonshme, në bashkëpunim me Sis (Seksioni i Hetimeve Shkencore) dhe mjeku ligjor, të koordinuar nga prokurori Alessio Bernardi, bënë të mundur verifikimin se burri së pari e mbyti gruan e tij dhe më pas e lidhi atë, dhe menjëherë më pas ai u var. Duke e lënë veten të rrëzohej nga ballkoni, duke i lidhur duart në një farë mënyre që ai të mos mund të çlirohej më, madje as pa dashje, nga instinkti.
Në vendin e tragjedisë, karabinierët gjithashtu gjetën dy letra, të shkruara në kompjuter, njëra drejtuar fëmijëve dhe tjetra autoriteteve. Në ato pak rreshta, Shkëlqim Bedeli tregonte për mosmarrëveshjet që do ta kishin shtyrë të bënte aktin e rëndë.
Ai fliste për probleme në çift, ndoshta xhelozi. Por gjithashtu nuk përjashtohet mundësia që ai të vuante nga depresioni, pasi kishte humbur punën disa javë më parë.
Ata që i njihnin, tregojnë për një çift të qetë. Shegushe Paeshti ishte një punëtore e madhe. Fëmijët tashmë janë kthyer nga pushimet. Trupat padyshim janë në dispozicion të autoriteteve gjyqësore, por nuk do të kishte më dyshime në këtë drejtim: ishte një vrasje-vetëvrasje.
Burimi i lajmit: BresciaToday. Përshtatur nga Tirana Today
