Një shqiptar i njohur me emrin “Giovanni” ka vënë në lëvizje policinë greke, pasi ka plaçkitur dhjetëra shtëpi. Ai njihet si një person me rrezikshmëri të lartë, dhe është i armatosur njëkohësisht.
Një “sinjal konfidencial” iu dërgua policisë më 3 gusht për veprimin e një krimineli shqiptar i cili kërkohet, pasi ka plaçkitur dhjetëra shtëpi kohët e fundit në të gjithë Greqinë. Po kështu karakterizohet si “veçanërisht i rrezikshëm dhe i armatosur”. Ai përbën një rrezik edhe për punonjësit e policisë që mund të sulmohen në çdo kohë, siç ka bërë ai në të kaluarën.
Autori me emrin “Giovanni” u lirua nga burgu, siç zbulon sot “protothema.gr”, më 24 korrik 2019 nga qendra e paraburgimit në Larisa ku vuante dënimin për vepra të ndryshme. Që atëherë duket se ka hyrë në … lojë përsëri, duke vjedhur shtëpitë në Evia, Korint dhe Prefekturën e Akaisë.
Sipas të dhënave, ai ka shkuar në Livadia ku hyri në një shtëpi dhe rrëmbeu dy armë zjarri funksionale: një revolver anglez dhe një armë gjermane. Siç theksohet në “dokumentin konfidencial”, përmbajtja e të cilit zbulohet sot nga “protothema.gr”, krimineli shqiptar lëviz si ‘fantazmë’ nëpër rrugë, për të shmangur kontrollet e policisë para dhe pas kryerjes së grabitjeve.
“Për sa më sipër, shërbimi ynë e konsideron atë si një person jashtëzakonisht të rrezikshëm dhe të armatosur, i cili nuk do të hezitojë të përdorë armën e tij kundër policisë për të shmangur arrestimin e tij”, thuhet në dokumentin përkatës.
Në të kaluarën, në një grabitje që kishte kryer në zonën e Akaisë, ai kishte sulmuar oficerët e policisë që u përpoqën ta arrestonin.
Burimi i lajmit: Protothema. Përshtatur nga Tirana Today
