Atmosfera në Greqi vazhdon të jetë e trazuar dhe në rrugët e Athinës të dielën në mbrëmje mund të jenë thirrur edhe kore raciste kundër shqiptarëve ,kënduar edhe për vdekjen e tyre. Por për ironi të fatit ishte një shqiptar protagonisti kryesor në derbin e zjarrtë të Athinës, mes Olimpiakosit dhe Panathinaikosit.
Ergys Kaçe i ka bërë të gjitha në fushë, ka luftuar, ka shënuar dhe ka shpëtuar jetën e portierit të tij, por kryesorja është se heshti gjysmën e Athinës dhe gjysmën e ngriti në peshë. Goli ishte një ‘perlë’, një marrje ‘alla-sombrero’ dhe më pas një goditje e fuqishme nga jashtë zonës që përfundoi në trekëndësh.
Por nata nuk mbyllet me golin. Shqiptari që para pak kohe ishte shumë i urryer për grekët, të cilët provuan ti shkatërrojnë edhe karrierën, për një foto me fanellën e UÇK-së, bën një gjest të madh. Pas një përplasje të portierit me një nga sulmuesit, gardiani bie në tokë në një gjendje të rëndë. Kaçe ishte më i vëmendshme dhe kërkoi menjëherë ndihmën e stafit mjekësor pasi atij i kishte ikur gjuha dhe ndërhyri menjëherë të japë ndihmën e parë. Falë tij ai u transportua menjëherë nga fusha, për tu stabilizuar.
Në një moment të caktuar të takimit, Kaçe e testoi forcën e tij, në një ndeshje të tillë ku ngarkesa psikologjike ishte jo e vogël. Mesfushori shqiptar e tepron disi me një ndërhyrje ndaj Natcho, ndërsa sparkata e tij rezultoi e gabuar.
E menjëhershme ishte përgjigja e mesfushorit të Olimpiakosit, Podence, që u përpoq t’i kërkonte llogari Kaçes për atë ndërhyrje, duke kërkuar edhe një kontakt fizik. Aspak i trembur, futbollisti shqiptar qëndroi dinjitoz ndaj kundërshtarit të tij, ashtu si edhe ndaj Greqisë, që në këtë moment duhet ta kenë kuptuar sesa vlen një shqiptar.
