Një shqiptar është pjesë e listës së “Forbes”. Dean Çelaj renditet mes 30 inovatorëve nën 30 vjeç. I ftuar mëngjesin e sotëm në “Wake Up”, Çelaj është shprehur se të qenurit në këtë listë është një certifikim tejet i mirë, që i hap rrugë ngado.
Çfarë do të thotë për të ardhmen tënde të qënurit në këtë listë?
Është një certifikim i mirë. Mund të më hapë shumë dyer në Amerikë.
Po punon paralelisht teksa po studion. A ke një projekt pas studimeve?
Sfida jonë e re është të krijojmë një mekanizëm, që kontrollon nxënësit teksa mësojnë.
Do të fokusohesh në Shqipëri apo në Amerikë?
Unë momentalisht jam në Amerikë, por aq më shumë të rri andej është ndihmë e madhe për vendin tonë pasi mund të ndihmoj me kontakte. Jam i hapur edhe të rri në Shqipëri.
Cilat kanë qenë vështirësitë?
Ka pasur shumë momente kur mund të kem thënë; kaq mjafton! Gjithmonë kemi bërë më shumë se na është kërkuar dhe këto veprime radhë pas radhe më kanë ndikuar dhe ndihmuar. Ne kemi bërë dy gjëra kyçe, mësim në kohë reale dhe ndihmuam në kthimin e videove.
Deani është krijuesi i platformës Akademi.al, ku nxënësit patën mundësi të aksesojnë falas leksione të matematikës dhe shkencave.
