Në shtetin grek ka hyrë për herë të parë një lloj droge e re, e quajtur Salvia, e cila krijon haluçinacione intensive te përdoruesit.
Personi që e solli për herë të parë këtë lëndë narkotike në Greqi është pikërisht një shqiptar, i cili është arrestuar në portin e Lavrion, pak minuta pasi i kishte shitur drogë një gruaje.
31-vjeçarit iu gjetën të fshehura në kondicionerin e makinës 24 gramë Salvia, si dhe sasi të vogla hashashi dhe kokaine.
Salvia është një drogë haluçinante, e cila vjen nga bima me njëjtin emër, e cila prodhohet kryesisht nga provinca e Oaxaca në Meksikë.
Salvia ka filluar të përdoret gjerësisht në Evropë gjatë viteve të fundit, por është një nga drogërat më të rrezikshme për shkak se vendos jetën e përdoruesit në rrezik.
Kjo sepse ajo krijon halucinacione sikur ke aftësinë të fluturosh, duke shkaktuar shumë raste vdekjesh, teksa disa përdorues kanë ndërruar jetë pasi janë hedhur nga lartësi mjaft të mëdha, duke menduar se mund të fluturojnë.
