Policia italiane ka arrestuar një 21-vjeçar shqiptar, i cili udhëtonte me një mjet të vjedhur.
Policia kishte zbuluar përmes programit “Targa Sistem” se automjeti tip “Volswagen Touran” rezultonte i vjedhur më 5 maj në Verona, ndërsa është lokalizuar me 3 persona në bord në zonën Arzignano.
Menjëherë kanë ndërhyrë karabinierët, por drejtuesi i mjetit, shqiptari Ergen Biba ka shtuar shpejtësinë, duke u drejtuar drejt komunës Alte Ceccato, ndërsa policia e ka ndjekur.
Madje, gjatë ndjekjes, shqiptari së bashku me 2 persona të tjera, kanë tentuar të nxjerrin nga rruga policinë duke i shkaktuar dëmtime mjetit.
Megjithatë, ata nuk e kanë arritur qëllimin e tyre, derisa kanë kuptuar që nuk kishin shpëtim. Pas kësaj, ata kanë ndaluar mjetin e grabitur në sheshin ‘Evropa’ dhe ia kanë mbathur me vrap, por kanë përfunduar në pranga.
