Ambasadori i Shqipërisë në Mbretërinë e Bashkuar, Qirjako Qirko, ka kritikuar El James për librin e saj të dytë “The Mister”, pas atij të “Fifty Shades”.
Qirjako Qirko ka shprehur shqetësimin për portretizimin negativ të shqiptarëve në romanin e saj. Konkretisht, në qendër të romancës është një aristokrat britanik, Maxim Trevelyan dhe pastruesja e tij e varfër Alessia Demachi. Kjo e fundit është viktimë e trafikimit seksual, që u fut kontrabandë në Britaninë e Madhe nga gangsterët e vendit të saj, Shqipërisë. Alessia arrin të arratiset, por dërgohet në fshat nga i fejuari i saj, një bandit i dhunshëm, që kërkon ta bëjë “një grua tradicionale shqiptare” dhe detyrohet të martohet me të nga i ati.
Edukimi i saj është portretizuar aq larg nga bota moderne sa ajo i referohet smartfonëve si “telefona të zgjuar”. Kur sheh Maksim duke paguar diçka me kartën e tij të kreditit, Alesia mrekullohet dhe i thotë: “Karta jote është magjike”.
Qirjako Qirko, ambasadori shqiptar në Britani, tha se përshkrimet e shqiptarëve në romanë janë “krejtësisht joreale”:
“Më vjen keq që ekziston një roman me këtë informacion që krijon perceptime të tilla negative për vendin tim. Realiteti është krejtësisht i ndryshëm,”-tha Qirko për Telegraph.
“Shqiptarët janë njerëzit më të mirë që do takoni në jetën tuaj, sigurisht, më miqësore. Vitin e kaluar numri i turistëve u rrit me 32 përqind krahasuar me vitin e kalua. Ka një komunitet prej 120,000 shqiptarësh në Britani të Madhe, kryesisht në Londër. Në një komunitet kaq të madh, natyrisht ka disa njerëz që kryejnë krime. Por ata janë vetëm disa individë,”-vijoi ambasadori.
