Një incident ka ndodhur të hënë në brendësi të Heraklion, të Kretës, ku dy persona kanë marrë flamurin grek dhe më pas janë larguar me një makinë në destinacion të panjohur.
Dëshmitë tashmë u janë dhënë autoriteteve të policisë në Kretë, të cilët kanë shpallur në kërkim autorët. Ndalimi i tyre është çështje e orësh pasi identiteti i tyre është i njohur. Sipas informacioneve të konfirmuara nga Flashnews.gr, njerëzit që hoqën flamurin e Daphne Heraklion nuk vijnë nga Shqipëria, por nga një vend tjetër evropian.
Edhe pse sulmet e para të anëtarëve të partisë neonaziste Agimi i Artë ishin në drejtim të shqiptarëve, autoritetet kanë zbuluar se: “Dy personat që kanë hequr flamurin në Heraklion nuk janë shqiptarë, ata janë dy studentë francezë.”
Nuk dihet akoma pse dy të rinjtë kanë bërë një veprim të tillë, por duke parë situatën mes Shqipërisë dhe Greqisë pas vrasjes së ekstremistit Kacifas dhe djegies së flamurit kuqezi në Kretë situata e krijuar nga të rinjtë mund të sillte pasoja më të rënda.
