Gati 15 familje refugjatësh qëndrojnë në çadra në qytetin Roguet, në rrethin Saint-Cyprien të Toulouse. Një situatë që shkakton tension. Gati 60 persona janë të vendosur në çadra poshtë disa ndërtesave në qytetin Roguet.
Banorët aty solidarizohen me refugjatët. Që nga fundi i dimrit, shumë familje, shumica nga Shqipëria, janë vendosur poshtë disa ndërtesave, në çadra të improvizuara të ndërtuara me kuti kartoni.
Në një konferencë të mbajtur të mërkurën më 4 korrik 2018, përfaqësuesit e këtij kolektivi, por edhe të Lidhjes së të Drejtave të Njeriut (LDH), Médecins du Monde, CIPF dhe Rrjeti i Solidaritetit të Emigrantëve, vendosën të ngrinin alarmin përballë kësaj situate që vazhdon të përkeqësohet ditë pas dite. Geneviève Molina, doktoreshë vullnetare e shoqatës “Mjekët e Botës”, flet për një situatë alarmante:
Pak ditë më parë, ne numëruam rreth 15 familje, rreth 45 vetë, duke përfshirë 18 fëmijë. Por është një numër që rritet çdo ditë … Këta njerëz jetojnë në tenda, ndonjëherë përtokë, në kushtet të padenja. Kjo ka pasoja të menjëhershme në shëndetin e tyre fizik dhe mendor, veçanërisht tek fëmijët. Kushtet e higjienës janë të papranueshme me vetëm një pikë uji në dispozicion të tyre dhe ka një rrezik real për probleme infektive. Disa nevoja themelore nuk mbulohen: ata kanë vështirësi për të pirë, për të ngrënë, për të fjetur, për t’u ndierë të sigurt …
Dy përfaqësueset Natalia dhe Emilie gjithashtu e denoncojnë këtë situatë me të cilën janë përballur për disa javë.
Natalia rrëfen jetën e saj të përditshme së bashku me këto familje refugjate:
Ky grup është një mënyrë për të treguar se ka solidaritet të vërtetë nga ana e disa banorëve me këta emigrantë. Jetoj në katin përdhes të ndërtesës dhe shtëpia ime është vendi ku fëmijët vijnë për të kërkuar ndihmë, strehë kur ka stuhi … Disa më sjellin ushqim t’i futur në frigorifer, e të tjerë për tua ngrohur. Unë jam një punëtore e vogël sociale në katin përdhes. Më ndodh që të kem deri në gjashtë fëmijë në shtëpi dhe pranoj që ndonjëherë jam e tronditur nga situata. Por shteti nuk vë dorë, është detyra ime si qytetare që të jem atje për këta njerëz që janë shumë të respektueshëm. Ata na tregojnë problemet e tyre, na pyesin për gjëra themelore për të jetuar. Disa fëmijë nganjëherë hanë në shtëpinë time. Disa nuk duan të shkojnë në shkollë sepse ndjehen të pista … Kam 17 vjet që jetoj në Francë, nuk kam parë kurrë një situatë të tillë!
E ndërsa disa banorë të qytetit Roguet solidarizohen me këta familje ka të tjerë që situatën e shikojnë si shqetësuese dhe të bezdisshme, dhe një gjë e tillë bën që shpesh të ketë përplasja mes banorëve dhe emigrantëve.
Por nuk është një fjalë gojë, pasi çdo ditë aty shkojnë familje të reja. Aty mund të jetë të vendosur më shumë se 60 refugjatë. Disa banorë gjithnjë e më shumë shprehen të acaruar për këtë gjendje. Disa persona nuk mund ta fshehin zemërim dhe mllefin që kanë ndaj disa sjelljeve sipas tyre të papranueshme që bëjnë refugjatët.
“Shishe, mbeturina, hedhen nga ballkonet”, thotë Marieta jeton në një tendë për më shumë se dy muaj me bashkëshortin e saj dhe dy fëmijët e moshës 2 dhe 5 vjeçare. “Mbrëmë, një person i ri me aftësi të kufizuara hodhi një shishe nga një ballkon,” shpjegon ajo. Por jo vetëm shishe por mbeturina të ndryshme hidhen nga ana e banorëve dhe azilantëve të strehuar në zonë, gjë që i shqetëson shumë qytetarët.
“Ka pasur gjithmonë disa çadra poshtë ndërtesave, dhe përveç kësaj, ka pasur gjithmonë ndihmë të ndërsjellë për këta njerëz në vështirësi, por këtu situata është bërë kritike. Kjo krijon shumë tensione mes azilkërkuesve por edhe me banorët që përpiqen t’i ndihmojnë “, shpjegon Emilie, një banore.
Ndërsa më tej Natalia u shpreh se: “Unë nuk mund të mësohem me faktin që të shikoj para syve se si mund të vdesin njerëzit”.
Çdo ditë, disa familje përpiqen të gjejnë vende për të qëndruar në 115. Por shërbimet e pritjes emergjente ose CADA (Qendra e Pritjes për Azilkërkuesit) janë të tejmbushura. Në qytetin e Rouguet është pra një ndjenjë e vërtetë e braktisjes. “Është urgjente që ne të vijnë për të na ndihmuar. Meqë qytetit Roguet është në dot të Këshillit të Qarkut, gjërat me të vërtetë duhet të ndryshojnë … mos prisni derisa të ketë një vdekje!”, – thotë Emilie.
Burimi: actu.fr
Përshtati: Tirana Today
