Epidemiologu Ilir Alimehmeti ka dhënë lajmin e shumëpritur, se shqiptarët janë imunizuar në mënyrë natyrore për Covid-19. Këtë ai e ka konkretizuar përmes fakteve, sa i takon situatës epidemiologjike të dy javëve të fundit, bazuar mbi të dhënat zyrtare të ECDC, MSH Shqipëri dhe MSH Kosovë.
Duke analizuar shifrat e infektimeve dhe humbjes së jetëve, mjeku shprehet se po jetojmë në një situatë më të qetë, si pasojë e numrit të lartë të personave të imunizuar në mënyrë natyrore, përmes kalimit të infeksionit.
Mjeku Ilir Alimehmeti, në këtë formë i jep fund diskutimeve mbi imunizimin. Incidenca dy javore e rasteve të reja në Shqipëri është 15.5 raste të reja për 100.000 banorë, e ndërsa Kosova 30.0 raste të reja per 100.000 banorë.
Statusi
Perditesim mbi situaten epidemiologjike te dy javeve te fundit bazuar mbi te dhenat zyrtare te ECDC, MSH Shqiperi dhe MSH Kosove:
Incidenca dyjavore e rasteve te reja:
Shqiperia 15.5 raste te reja per 100.000 banore,
Kosova 30.0 raste te reja per 100.000 banore,
Europa 200.4 raste te reja per 100.000 banore.
Incidenca dyjavore e humbjeve te jetes:
Shqiperia 0.3 humbje jete per 1.000.000 banore,
Kosova 1.1 humbje jete per 1.000.000 banore,
Europa 3.7 humbje jete per 1.000.000 banore.
Duke marre parasysh se as Shqiperia dhe as Kosova nuk e prijne Europen per nivelet e vaksinimit, si edhe qe masat e marra jane nder me te butat ne kontinent, arsyeja e situates shume me te qete duket te jete numri shume i larte i personave te imunizuar ne menyre natyrore permes kalimit te infeksionit.
Dr. Shk. Ilir Alimehmeti
Epidemiolog Klinik
Fakulteti i Mjekesise, UMT
Akademia e Shkencave te Shqiperise.
