Komuna e Preshevës për herë të parë në historinë e saj do të pajiset me park, i cili do të vendoset në kompleksin rekreativ mes shkollave dhe stadiumit të qytetit.
Përveç hapësirave rekreative, njëkohësisht qytetarëve do t’iu mundësohen hapësira për parkingje, me qëllim të zgjidhjes së kaosit në trafikun brenda qytetit.
Por të gjitha komunat me popullsi shqiptare në Serbi vuajnë shumë nga papunësia sepse politikat e Beogradit janë diskriminuese ndaj shqiptarëve. Çdo vit në këto komuna të rinjtë përballen me mungesën e perspektivës. Sikur kjo të mos mjaftonte ata përballen dhe me mosnjohjen e diplomave kur ata kanë studiuar në vende si Shqipëria apo Kosova.
Ky park është sigurisht i nevojshëm për qytetin e Preshevës por në radhe të parë kryetari i kësaj komune dhe këshilli komunal duhet të mendojnë për strategjitë e zhvillimit të qytetit për hapjen e sa më shumë vendeve të punës dhe një perspektive evropiane.
“Jemi duke punuar intensivisht për të rregulluar edhe parqe tjerë në qytet dhe vendbanime, për t’i ofruar fëmijëve, nënave, të rriturve e të moshuarve, hapësira për të kaluar kohen e lirë, në ambient të hapur e të rregulluar.” ka shkruar kryetari i komunës së Preshevës Shqiprim Arifi.
