Një bandë e akuzuar për vjedhje në zonën Verona të Italisë është goditur. Grupi i quajtur “Lombard” është arrestuar nga karabinieri. Banda përbehej nga 6 shtetas shqiptarë. Ata akuzohen për grabitje dhe posedim të mallrave të vjedhura. Të gjithë autorët ishin 6 shtetas shqiptarë që jetonin në Bergamo në jug të Milanos dhe janë arrestuar nga policia e Kremones, pas një hetimi që zgjati gjashtë muaj, shkruan veronasera.it.
Banda akuzohet për 53 vjedhje, të kryera në krahinat e Kremones, Milanos dhe Bergamo, por edhe në Verona dhe në territorin e Brescia, Mantua, Parma, Modena, Bolonja dhe Forlì, siç është raportuar nga policia e Kremones.
Inicialet e të arrestuarve janë A.Z. 43 vjeç; J.V. 40 vjeç; O.S. 27-vjeç, A.A. 31vjeç, E.M. 30 -vjet dhe A.A. 35-vjeç. Ata janë përgjegjës për bastisjet brenda shtëpive, ku kanë vjedhur makina të cilat më vonë i kanë përdorur për të kryer grabitje. Në momentin kur i ka pikasur policia, ata janë larguar më një shpejtësi marramendëse, dhe policia nuk mundi ti ndalonte.
Por ata komunikuan me radio me kolegët tyre që u erdhën në ndihmë. Makinat e vjedhura banda i mbante në një parking në jug të Milanos.
Ndërsa policia ende po i ndiqte ai nuk ishin kthyer si zakonisht te parkingu në orën 21, por në orën 5 të mëngjesit ku u bë i mundur dhe arrestimi i tyre.
