Ministria e Jashtme ka reaguar në lidhje me ngjarjen e ndodhur në Krushevë Në Maqedoni gjatë një ceremonie ku u dëgjuan thirrjet raciste antishqiptare.
Në një deklarate për mediat Ministra e Jashtme i dënon këto thirrje, dhe shton se janë të nxitura. Nga ndjenja nacionaliste ekstreme.
Deklarata e plotë: MEPJ shpreh keqardhjen dhe dënon gjuhën e urrejtjes dhe thirrjet raciste antishqiptare të hedhura dje gjatë ceremonisë së festimit të kryengritjes së Ilindenit në Meçkin Kamen në Krushevë.
Besojmë se këto janë veprime të një grupi të vogël njerëzish të nxitur nga ndjenjat nacionaliste ekstreme dhe shpresojmë që incidente të tilla që ndjellin urrejtje ndëretnike të mbeten të izoluara. MEPJ i bën thirrje institucioneve përgjegjëse që të hetojnë nxitësit e dhunës dhe vendosjen e tyre para drejtësisë.
Shqipëria dhe shqiptarët kanë qenë dhe do të jenë miq të përhershëm të Maqedonisë. Ne besojmë në vlerat e bashkëjetesës, në harmoninë dhe bashkëpunimin midis vendeve e qytetarëve tanë.
