Kombëtarja shqiptare nuk ishte në nivelin që ishim mësuar ta shohim në vitet e fundit në Ligën e Kombeve. Kuqezinjtë e mbyllën të fundit në grup, por ajo që shqetëson më shumë ishte mungesa e golave. Të besuarit e Panuccit në katër ndeshje arritën të shënonin vetëm një gola, atë ndaj Izraelit në ndeshjen e parë dhe pësuan plot 8. Edhe në sfidën miqësore me Uellsin ishte Taulant Xhaka që fitoi një penallti, e cila u kthye në gol nga Bekim Balaj. Xhaka ishte autor i golit të vetëm në Ligën e Kombeve.
Shkodrani është “Bekim” për Kombëtaren. Me përjashtim të vetëm një ndeshjeje miqësore, kur Shqipëria është mundur nga Bosnjë-Hercegovina, çdo herë tjetër ka qenë i artë. Në këtë përballje, kuqezinjtë janë mundur me rezultatin 2-1. Në takimet e tjera, shkodrani është treguar rezultativ si në miqësore ashtu edhe në takime zyrtare.
Nuk mund të harrohet triumfi i Shqipërisë në Portugali, i cili i hapi udhë kualifikimit të artë drejt Europianit. Goli në Aveiro ishte “Bekimi” për Shqipërinë në rrugëtimin drejt suksesit. Një tjetër gol me vlerë fitoreje ishte edhe ai ndaj Maqedonisë, në takimin e luajtur “dy ditë”.
Krosimi i artë dhe goli me kokë në qytetin e tij të lindjes, i dhanë Shqipërisë nën drejtimin e De Biazit fitoren përballë Maqedonisë. Në Lihtenshtejn ishte gjithashtu një gol me vlerë fitoreje nga Balaj, ashtu si në miqësoren ndaj Uellsit të Gareth Bale. Në katër nga pesë golat që ai ka realizuar i dha dhënë fitoren Shqipërisë.
