Ministrja e Mbrojtjes, Olta Xhaçka, në një deklaratë për mediat pas reshjeve intensive dhe përmbytjeve që kanë pllakosur vendin, njoftoi se situata është drejt normalizimit.
Akset rrugore dhe infrastruktura janë funksionale, e ndërsa bluzat e bardha kanë qënë në krye të detyrës. Rreshjet e mbrëmshme kanë qenë më intesitet të jashtëzakondshëm, duke sjellë përmbytje të banesave.
Sipas saj, situata e përgjithshme është drejt stabilizimit, dhe se nuk ka nevojë për tu shqetësuar. Duke qetësuar banorët për këtë fatkeqësi, ministrja kërkoi nga banorët anembanë vendit që të bëjnë pak durim. Po kështu, ajo garantoi se situata është e tejkaluar, dhe se çdo hallkë e shtetit ka funksionuar.
“Testuam Mbrojtjen Civile. Përmbytjet kanë sjellë fluks të madh uji. Institucionet kanë koordinuar punët, për të përmirësuar situatën. OSHEE ka punuar gjatë gjithë natës, për të rregulluar disa shtylla. Banorët që janë prekur, institucionet iu janë gjendur pranë. Në qarkun e Tiranës, 105 banesa janë përmbytur. Edhe bluzat e bardha kanë bërë punë të mirë.
Situata pritet të normalizohet. Probleme kishte në Kamzë. Edhe në Fushë-Krujë kemi pasur probleme, për shkak se në këtë zonë, disa zona administrative ka vërshime më të larta.
Aktualisht ka 10 familje në Larushë dhe 8 familje në Bubq ka probleme. Lumi Ishëm ka dalë nga shtrati dhe ka rreziuar banesat e ndërtuara pranë lumit. Në Lezhë, situata është normalizuar, pasi kishte përmbytje në lagjen Besëlidhje. Probleme ka pasur edhe në Laç. Në qarkun Shkodër, pavarësisht reshjeve të dendura, në 5 bashkitë nuk ka probleme. Problemet janë të kufizuara. Situata është thuajse e tejkaluar, por ne do jemi pranë gjithnjë të qytetarëve”, deklaroi Xhaçka.
