E ndërsa Shqipëria po braktiset nga qytetarët e saj, BE po mendon se si të largojë të keqen nga vetja. Po kush është kjo e keqe kaq e madhe? A është Shqipëria vendi i duhur për të marrë përsipër këtë rrezik, që një Evropë e tërë nuk po e përballon? Bëhet fjalë për çështjen e azilkërkuesëve. Tashmë BE ka menduar që kampi pritës i tyre të ngrihet jashtë BE-së, por jo jashtë Evropës. Disa nga krerët e lartë të BE-së kanë menduar që kampi pritës për vendosjen e azilkërkueseve të cilëve u është refuzuar kërkesa të ngrihet në Shqipëri.
https://tiranatoday.com/disa-shtete-jane-kunder-shqiperise-kryeministri-bullgar-tregon-se-cfare-thote-merkel/
Ndërkohë ky nuk është i vetmi rrezik që mund t’i kanoset vendit tonë. Pak ditë më parë Kryeministri i Bullgarisë Boyko Borissov u shpreh se: “Në Shqipëri të bëhet një qendër koordinimi për të gjithë Ballkanin për të trajtuar të gjithë personat që kthehen në vendlindje pasi kanë qenë pjesë e ISIS”, tha Borissov.
Ndërsa më tej Kryeministri i Bullgarisë është shprehur se “Kemi dy, tre shtete që janë skeptike ndaj Shqipërisë, por shumica mendojnë se do i jepet një datë për anëtarësimin për në BE. Po bëjmë përpjekje ti bindim vendet që janë kundër”.
Por, tani Danimarka dhe Austria duan të ngrenë kampin për azilkërkuesit e refuzuar ‘në një vend jo shumë të mirë”, që të mos jetë shtet anëtar i BE-së, por të jetë vend i Evropës.
Sebastian Kurz, kancelari austriak, ka konfirmuar dje në Bruksel se “një grup i vogël i vendeve” po punojnë mbi një plan për t’i dhënë fund fenomenit të azilit brenda BE-së.
“Ne kemi ardhur tashmë në fund të një rruge të gjatë,” tha Kurz, vendi i të cilit pret të marrë Presidencën e BE-së nga 1 korriku.
Shqipëria? Kosova?
Kryeministri danez Lars Lokke Rasmussen, ka zbuluar për herë të parë se ai dhe udhëheqës të tjerë evropianë janë duke folur për ndërtimin e një kamp për azilkërkuesit e refuzuar në kontinentin evropian, por që do të ngrihet jashtë BE-së. Rasmusen gjithashtu vlerësoi idenë në takimin më të ri evropian në Sofje të dhënë nga Mark Rutte. Kryeministri holandez u përgjigj se ai mendon se është një ide interesante, por ai vetëm dëshiron të shprehë mendimin e tij. Sipas Reuters, kancelarja gjermane Angela Merkel iu bashkua këtij mendimi, ndërsa Belgjika ende nuk ka folur.
https://tiranatoday.com/video-integrimi-ne-berama-gati-te-beje-cmendurine-e-radhes-shqiperine/
Më tej Rasmussen nuk zbulon shumë detaje por është shprehur se: “Të jem i sinqertë, ai do të jetë një vend që nuk është një vend i preferuar për emigrantët apo kontrabandistët. Ndoshta ky do të jetë vend ballkanik si Shqipëria apo Kosova. Unë jam optimist. Bazuar në diskutimet e mia me liderë të tjerë evropianë, pres që do të jemi në gjendje të ndërmarrim hapin e parë këtë vit”.
Kurz theksoi se negociatat po zhvillohen midis vendeve, jashtë kornizës evropiane. Plani duhet të shërbejë si një bazë për të arritur përfundimisht në një sistem të ri evropian të azilit, në të cilin kufijtë e jashtëm monitorohen më mirë.
Lufta në rritje kundër migracionit të paligjshëm është prioritet absolut i Presidencës Austriake nën moton “BE ofron mbrojtje”.
Forcimi i rojës kufitare evropiane Frontex me burime financiare dhe staf shtesë është një mënyrë. Por Kurz dëshiron të shkojë më tej: “Emigrantët duhet të ndalen dhe duhet të kujdesemi për kufijtë e jashtëm. Pastaj ata duhet të kthehen në vendin e tyre të origjinës sa më shpejt të jetë e mundur. Nëse kjo nuk është e mundur, ne duhet t’u ofrojmë atyre mbrojtje afatshkurtër në qendrat e vendeve të treta të sigurta. Në këtë kontekst, plani është i përshtatshëm për zhvillimin e një kampi në një vend ballkanik”.
Kurz shtoi se një president i BE nuk vendos vetë. “Nuk ka pasur kurrë një debat për push-back brenda BE”, thotë një diplomat evropian. Komisioni Evropian gjithashtu e hedh poshtë këtë ide sepse është në kundërshtim me të drejtën ndërkombëtare.
Burimi: De Standaard
Përshtati: Tirana Today
