Ka përfunduar në barazim me rezultatin 0-0, ndeshja miqësore midis Shqipërisë dhe Uellsit, e zhvilluar në stadiumin ”Cardiff City”.
Një ndeshje deri diku e mirë për kombëtaren shqiptare, teksa në pjesën e parë, zhvilloi një lojë të mirë, dhe ishte pranë shënimit të golit me Rei Manaj në minutën e 16-të, por lushnjari i cili u gjend përballë portierit kundërshtar, e dërgoi topin jashtë portës.
Ndryshe pjesa e dytë, ku Uellsi mori revanshin e lojës dhe sulmoi portën e mbrojtur nga portieri Selmani, ndërsa Shqipëria u tërhoq mbrapa për të mbrojtur kundërshtarin.
Ajo që u vu re është që Shqipëria e ka të vështirë të ndërtojë aksione të shpejta dhe efikasëse, për të krijuar më shumë raste për gol,. Gjatë gjithë ndeshjes, kuqezinjtë nuk vunë asnjëherë në provë portierin kundërshtar Henesi, sepse nuk gjuajtën asnjëherë në kuadrat.
Pas 3 ditësh, kombëtarja do të zhvillojë një tjetër miqësore, kundër Republikës Çeke në Pragë.
