Shqipëria ka raportuar një rritje të kërkesave për azil. Krahasuar me 307 kërkesa gjatë gjithë vitit 2017, deri në gusht ishin 3,000 kërkesa për azil. Këto janë të dhëna të publikuara nga Pablo Zapata nga Komisariati i Lartë i Kombeve të Bashkuara për Refugjatë (UNHCR).
Mijëra emigrantë dhe refugjatë nga Siria kanë ikur në shtetin ballkanik, raporton .europeaninterest.eu.
Siç raportohet nga (AFP), një burim policor i BE në Tiranë e përshkroi atë si një “abuzim” të sistemit të azilit. Ndërsa ministria e brendshme e Shqipërisë thotë, “nuk ka më shumë se 500 raste reale të azilit që po shqyrtohen “.
Autoritetet shqiptare janë të shqetësuara. Forcimi i kufijve të Evropë do të bënte që shumë emigrantë do qëndrojnë në vendin e tyre për një kohë të pacaktuar.
“Shqipëria nuk ka kapacitet për të marrë një numër shumë të madh të azilkërkuesve dhe t’u ofrojë shërbime në përputhje me standardet e BE”, tha zëvendësministrja e brendshëm Rovena Voda. Ajo më tej shtoi se Shqipëria ka kërkuar mbështetje më të madhe nga Bashkimi Evropian.
Sipas AFP, Shqipëria nuk ishte një ndalesë në rrugën e Ballkanit, ku kaluan qindra mijëra emigrantë që hynë në BE në 2015. Por duke u përforcuar kufijtë, emigrantë zbuluan rrugën e re duke kaluar nëpër Shqipëri.
Por tani Shqipëria është bërë një vend transit dhe një rrugë e re në rajon, që sjell emigrantë nga Azia dhe Afrika e Veriut në Evropën Perëndimore.
Shqipëria aktualisht nuk orfon strehim për emigrantët. Është vetëm qendra e pritjes në lagjen Babrru, e cila ka vend për 200 persona.
Emigrantë të tjerë përdorin kursime të vogla për të marrë me qira apartamente të lira. Që nga janari, policia ka kapur 800 emigrantë çdo muaj. Ata kane udhëtuar nga Greqia në Shqipëri./TIRANA TODAY/
