Liga e Kombeve ishte një dështim për kombëtaren shqiptare. Por tashmë duket se gjithçka është ‘harruar’ dhe përqendrimi është vetëm te eliminatoret e vërteta të Europianit 2020. Atje ku tregohet edhe forca e vërtetë e Kombëtareve, pasi nuk do të ketë tolerime dhe ulje të përkushtimit.
Shqipëria e nis me një përballje shumë të fortë këtë ndeshje, pasi do të pres në shtëpi Turqinë. “Thikë me dy presa” padyshim, pasi flasim për një përballje direkte. Një fitore do të na jepte shumë besim dhe avantazh për më tej, por një humbje, përtej pikëve ndikon pafundësisht edhe në psikologjinë e ekipit kombëtar.
Për këtë arsye djemtë e Kombëtares kanë nevojë për një mbështetje të zjarrtë në shkallët e stadiumit. Kompania “Blinibileta.com” ka publikuar edhe listën e çmimeve e biletave për ndeshjen që do të luhet në “Loro Boriçi” të Shkodrës që e gjeni më poshtë në foto.
