Përveç 1001 gjërave që shkojnë keq në vendin tonë sërish ka disa përparësi që të jetosh këtu. Çmimet e lira të produkteve ushqimore dhe të shërbimeve janë përparësi por kjo vetëm kur llogaritet më çmimet që ka në vendet e tjera të Evropës. Këtu nuk po flasim për pagat se në atë drejtim jemi shumë keq dhe çmimet në me pagat që marri pjesa më e madhe e shqiptarëve janë sërish shumë të larta. Por sipas një studimi të Eurostat në kemi çmimet thuajse me të ulëta në Evropë sepse vendin me çmimet më të lira me mban Maqedonia.
Vendi ynë vijon të ketë çmimet për konsumatorët ndër më të ulëtat në Europë. Për kategori të ndryshme mallrash e shërbimesh, çmimet në Shqipëri shkojnë deri në gjysmën e çfarë do të kushtonin mesatarisht në Bashkimin Europian.
Shërbimet e hotelerisë dhe restorantet janë më të lirat në raport më vendet e BE, madje në vendin tonë janë më të lirat në Europë duke kushtuar 40% të çmimit mesatar. Pas nesh për këtë grup shërbimesh ndjek Maqedonia 41% dhe Bullgaria 44%.
Në grupin e ushqimeve dhe pijeve joalkoolike, Shqipëria nuk performon aq mirë, duke u renditur të gjashtët në Europë pas vendeve si Maqedonia, Rumania, Polonia, Serbia dhe Bullgaria.
Sa i takon produkteve të akcizës si alkooli dhe duhani, Shqipëria ka çmimet më të shtrenjta në rajon, me përjashtim të Malit të Zi.
Grupet e mallrave që kushtojnë më pranë çmimeve të BE janë veshjet dhe pajisjet elektronike. Këto të fundit madje kushtojnë lehtë mbi mesataren e vendeve të unionit.
Ndërsa mjetet e transportit në Shqipëri kanë çmimin më të lirë në Europë së bashku me Sllovakinë, për shkak se shqiptarët zgjedhin të përdorin automjete, motorë apo biçikleta më të vjetra e të përdorura.
Në tërësi, çmimet e mallrave për konsumatorë në vendin tonë kushtojnë 51% më pak se në Bashkimin Europian, duke u renditur, pas Maqedonisë, të dytët së bashku me Serbinë.
Maqedonia rezulton të jetë vendi me koston e jetesës më të ulët duke qenë se ushqimet, pijet alkoolike, duhani dhe veshjet kushtojnë më lirë se në çdo vend tjetër të Europës.
Ndërkohë, vendi me çmimet më të larta në Europë është Zvicra, ndjekur nga Islanda dhe Norvegjia./Scan/
