Dy ish-presidentët Alfred Moisiu dhe Bamir Topi, janë fotografuar sot së bashku me ish-prokurorin Shkëlqim Hajdari, aktualisht kryeinspektor i Inspektoriateve Shtetërore.
Moisiu, Topi dhe Hajdari kanë zgjedhur që të drekojnë në periferi të Tiranës, duke zgjedhur “Mullixhiun” e Bledar Kolës.
Ata kanë pozuar pikërisht përpara një tabele, ku shkruhet “Shqipëria do të bëhet”, ndërsa me shumë gjasa drekës miqësore nuk i kanë ‘shpëtuar’ as diskutimet mbi aktualitetin politik.
Lidhur me braktisjen e mandateve dhe protestat e opozitës së bashkuar, të dy ish-presidentët kanë folur në media, ku kanë shprehur qëndrimin e tyre se ndërhyrja e Metës është e domosdoshme.
“Mendoj se presidenti aktual Ilir Meta duhet të ndërhyjë. Kështu nuk mund të ecet përpara. Sesi e bën ndërhyrjen dhe tenton ta zgjidhë ngërçin politik, këtë e di presidenti Meta. Klasa politike duhet të ndërgjegjësohet”, ka deklaruar Moisiu disa ditë më parë. Ndërkohë, Topi u shpreh me fjalët:
“Presidenti do bënte mirë t’i thërriste të dyja palët”, deklaroi Topi.
