Të paktën 2200 skocezë do të marrin pjesë në ndeshjen Shqipëri-Skoci, që do luhet të shtunën (17 nëntor) në stadiumin ‘Loro Boriçi’ në Shkodër.
80% e tifozëve britanikë do të akomodohen në Tiranë dhe 20% në qytetet e tjera.
Tifozët skocezë do të organizojnë të shtunën edhe një event bamirësie për fëmijët në nevojë.
Në vitin 2001 Shqipërinë e vizituan 500 anglezë për ndeshjen Shqipëri-Angli.
Ndwrsa Shqipëria vijon përgatitjet për ndeshjen e 17 Nëntorit ndaj Skocisë, që është e vlefshme për Ligën e Kombeve.
Kuqezinjtë do të kërkojnë maksimumin nga ky takim, për të shmangur rënien në Ligën D. Por, njëkohësisht për të mbajtur gjallë shpresat për ta mbyllur këtë edicion në vendin e parë në grup.
UEFA ka përcaktuar edhe ata që do të vendosin drejtësi në stadiumin “Loro Boriçi”, teksa bëhet fjalë për një trupë gjyqtarësh nga Rusia.
“Bilbili” kryesor do të jetë Vladislav Bezborodov, ndërsa asistentët e tij do të jenë Valeri Danchenko dhe Maksim Gavrilin. Pas portave do të rreshtohen Aleksei Eskov dhe Sergei Ivanov, ndërsa gjyqtar i katërt, Aleksei Lunev.
Kjo do të jetë hera e parë për Bezborodov, që do të gjykojë Shqipërinë, ndërsa bëhet fjalë për një arbitër me eksperiencë ndërkombëtare, që gjykon rregullisht në Evropa League./TIRANA TODAY/
