Ka filluar pak momente më parë turneu i bamirësisë “Luajmë dhe rindërtojmë së bashku”.
Sfida e parë e natës së sotme është ajo ndaj Shqipërisë dhe Italisë. Por skuadra shqiptare nuk duket ta ketë nisur me këmbë të mbarë. Kjo pasi vetëm pak minuta nga fillimi i ndeshjes, Igli Tare është detyruar të lërë lojën.
Mësohet se Tare ka pësuar një tërheqje, ndërsa në vend të tij është futur Erjon Bogdani.
Ky event është organizuar nga sindikata e futbollistëve shqiptarë, teksa të gjitha të ardhurat e mbledhura nga ky organizim do të shkojnë për familjet e prekura nga tërmeti.
Pjesë e ndeshjeve do jenë futbollistë të viteve 2000 të skuadrës shqiptare, greke, turke dhe italiane. Të gjitha përballjet do të luhen nga 30 minuta.
