Ministri i Jashtëm i shtetit grek, Nikos Kotzias përmes një interviste dhënë për mediat greke, ka vlerësuar marrëdhëniet me Shqipërinë, ndërsa theksoi se disa çështje të ndjeshme, duhen parë me prioritet nga të dyja vendet.
Ministri Kotzias ka folur për ligjin e luftës, duke nënvizuar se ai duhet të hiqet pasi është i pakuptimtë. Përfaqësuesi i diplomacisë greke ka vlerësuar takimet me homologun shqiptar, duke cituar edhe rastin dhënies së shtetësisë për Janullatos si një hap i rëndësishëm në përvetësimin dhe zgjidhjen e “polemikave” të vjetra.
“Marrëdhëniet mes dy vendeve janë përmirësuar, mos dyshoni për ketë. Ligji i luftës duhet hequr, pasi është i pakuptimtë”-theksoi Kotzias. Shqipëria dhe Greqi janë duke diskutuar për çështje shumë të nxehta si kufiri detar, çështja çame, por edhe tematika të tjera, ku mes tyre edhe ligji i luftës që tashmë duket se gjërat po shkojnë drejt gjetjes së emëruesit të përbashkët dhe natyrisht zgjidhjen e tyre.
