Tërmeti 7.1 ballë që goditi Meksikën, mori jetën e të paktën 248 personave.
Miliona njerëz panë tmerr me sy, panë gjithçka duke u shembur apo familjarë të tyre që ndërruan jetë si pasojë e tërmetit shkatërrues.
Të paktën 20 fëmijë humbën jetën pas lëkundjeve të fuqishme në Mexico City, ndërsa një fëmijë tregon me lot në sy se si ka shpëtuar mrekullisht teksa ndodhej në shkollë:
“Isha në orën e mësimit të gjuhës angleze dhe toka filloi të dridhej. Unë thashë që po lëkundej sepse alarmi nuk kishte rënë dhe të gjithë ne dolëm jashtë klasës me shpejtësi. Aty mora vendimin më të mirë të jetës sime, i cili ishte të mos shkoja majtas, aty ku menjëherë u rrëzua gjithçka. Ika në të djathtë me shokët e mi dhe po zbrisnim shkallët. Nuk u rrëzova, as unë dhe as shokët e mi. Ishim shumë vetë, më pas shumë prej tyre nuk i pashë më. Ishim poshtë shkallëve dhe pashë të gjithë shkollën teksa u shkatërrua. Kishte vetëm pluhur dhe ne mbuluam veten tonë. Shumë prej shokëve të mi të klasës nuk ishin me ne dhe po shoh që shumë prej tyre që njihja dhe një mësuese vdiqën. Gjithçka ndodhi shumë shpejt. Nuk e pashë atë, brenda 30 sekondash, shkolla ime ra përtokë, madje s’e kuptoj as se si shpëtova vetë.”
E ëma e djalit tha:
“Bëra thuajse 5 orë që të vija këtu. Ishte e tmerrshme, dëgjova në radio për shkollën dhe mendova: “O Zot, fëmijët e mi!”
S’kisha asnjë mënyrë se si të komunikoja me dikë, por falë Zotit ata janë këtu. Fëmijët e mi janë mirë”./ Burimi NBC News, përshtati Tirana Today
