Një autobus me shqiptarë është ndaluar sot nga policia greke, teksa brenda tij janë gjetur rreth 2 kilogramë heroinë.
Autobusi i kushte shpëtuar kontrollit në Kapshticë, por nuk mundi të kalonte në doganën greke.
Mësohet se Policia Kufitare e Kapshticës ka kryer kontrollin fizik në automjet, por nuk ka arritur ta zbulojë heroinën.
Nga ana tjetër, kontrolli i detajuar me skanerin e specializuar të palës greke i zbuloi lëndën narkotike të fshehur në autobus.
Pas kësaj, shoferi i autobusit u shoqërua nga policia, ndërkohë që vijojnë hetimet për ngjarjen.
