Partia Socialiste, dega Durrës, reagoi sot pas shpërthimit me lëndë plasëse që ka ndodhur gjatë natës para zyrës elektorale të Lëvizjes Socialiste për Integrim, në këtë qytet.
PS e Durrësit, me anë të një deklarate për mediet, distancohet nga ngjarja dhe e dënon atë si akt vandal.
Gjithashtu, i bën thirrje LSI-së të mos nxitohet me akuza të pa baza dhe organeve kompetente të zbardhin sa më parë ngjarjen e rëndë.
Referuar akuzave të kandidatit për deputet, Lefter Koka, sipas të cilit akti është kryer nga “policët e Rilindjes pas punës”, zyra e PS-së Durrës, hedh dyshimet se ngjarja është inskenuar nga vet LSI-ja.
