15 minatorë kanë humbur jetën dhe 9 të tjerë kanë mbetur të plagosur nga një shpërthim i fuqishëm gazi në një minierë qymyri në Kinë.
Sipas agjencisë së lajmeve “Xinhua”, në momentin e aksidentit tragjik, në tunelin e minierës ishin 35 minatorë. Ngjarja e rëndë u shënua gjatë orëve të vona të pasdites së të hënës, në qytetin Pingyao të provincës Shanxi.
Ndërkohë, të plagosurit janë transportuar në spital për shërbim mjekësor. Po ashtu, është nisur edhe një hetim për të zbardhur shkaqet e aksidentit.
