Shpërthim eksplozivi në një dyqan ushqimor në Nikël. Sipas të dhënave të para mësohet se një sasi me lëndë plasese i ishte vënë dyqanit ushqimor të shtetasit Gëzim Meta.
Për fat nga shpërthimi nuk ka pasur persona të lënduar, vetem dëme materiale, që mbetet të vleresohen nga hetimet.
Informacioni paraprak
Më datë 23.11.2017, rreth orës 01:05 në fshatin Zezë, Njësia Administrative Nikël i është vendosur një sasi e vogël lënde eksplozive dyqanit ushqimor të shtetasit G. M. 57 vjeç.
Nga shpërthimi janë shkaktuar dëme të vogla materiale.
Grupi hetimor po punon për identifikimin e autorit dhe zbardhjen e plotë të ngjarjes.
Materialet kaluan Prokurorisë së Rrethit Gjyqësor Krujë për veprime të mëtejshme për veprën penale” Shkatërrimi I pronës me eksploziv ” parashikuar në nenin 152 të Kodit Penal.
