Nuk kanë të ndalur shpërthimet me eksploziv. Gjatë natës, Bathorja është tronditur nga një shpërthim me tritol. Nga të dhënat paraprake, ende jo zyrtare, mësohet se shënjestër e sulmit ka qenë banesa e një të burgosuri.
Bëhet fjalë për shtetasin Gazmir Dacit, i cili akuzohet për vrasjen e vëllezërve Kolaveri.
Nga shpërthimi i fuqishëm, në katin e parë të banesës ka patur dëme materiale, e fatmirësisht nuk raportohet për të lënduar.
Blutë e Tiranës sqarojnë se kjo është hera e dytë për familjen, që sulmohet me eksploziv. Gazmir Dacit më parë i është bërë atentat në burg.
