Një transformator ka shpërthyer në aksin Tiranë-Durrës, duke lënë të plagosur tre punonjës. Nga të dhënat paraprake mësohet se shpërthimi ka ndodhur në një objekt në ndërtim e sipër, në momentin që tre personat ishin duke punuar.
Njëri prej të plagosurve ndodhet në gjendje të rëndë për jetën. Personat e lënduar janë transportuar drejt Spitalit të Traumës. Transformatori ndodhej në rrugën dytësore Tiranë-Durrës.
Policia konfirmon se janë plagosur tre persona, por ende nuk dihen shkaqet.
