Në prag të ndeshjes mes Spanjës dhe Portugalisë në konferencën për shtyp është shfaqur trajneri i ri Hierro dhe kapiteni Sergio Ramos. Por asgjë nuk ka shkuar aq mirë, pasi ata nuk mund tu shpëtonin një lumë pyetjesh për shkarkimin e Lpeteguit nga posti i trajnerit një ditë më parë.
Në fund Ramos është parë tepër i nevrikosur, por para se të largohej është shprehur kështu: “Më duket sikur jemi në një funeral, por në fakt jemi në Kupën e Botës, një eveniment i mrekullueshëm.
Duhet të ecim përpara sa më shpejt të jetë e mundur. Natyrisht këto dy ditët e fundit nuk kanë qenë të bukura pasi Julen ishte pjesë e jona. Ai na ka ndihmuar shumë. Por mendoj se skuadra spanjolle është më e rëndësishme se një individ.
Gjithsesi kemi besim te Hierro. Edhe stafi është ai i vjetri. Do të shihni Spanjën që keni parë gjithmonë, një Spanjë që luan bukur, nuk do ta humbasim përqendrimin.”
