Regjisori Laert Vasili, ka folur sot në emisionin “Dritare me Rudinën” në “News24”, për vrasjen e shqiptarit Petrit Zifle, nga një ekstremist i “Agimit të Artë” në Korfuz. Ai u shpreh se “Agimi i Artë” nuk përfaqëson popullin grek. Po kështu, aktori kërkoi që të gjithë shqiptarët të kërkojnë të drejtat e tyre.
“Janë në parlament, por hynë në momentin e krizës. Kur njerëzit humbën toruan, besimin dhe pasurinë. Të ndikuar në demagogji dhe nga një propagandë e caktuar e 2-3 krerëve, këta njerëz u mashtruan dhe u bindën se fajin e kanë emigrantët, jo shqiptarët. Por ne në mediat shqiptare sigurisht pasqyrojmë vrasjen e një zotërie që mezi nxirrte bukën e gojës, por gishti duhet vënë tek ata që katandisën këtë popull të katandiset për bukën e gojës, dhe të bredhë rrugët e Evropës.
Kjo e di ça tregon, inferioritetin tonë si shtet që nuk jemi në gjendje të mbrojmë shtetasit tanë. Për sa kohë do endemi rrugëve të botës me kokën ulur, super të dërrmuar nga hejbe, për sa kohë kurrizi ynë të jetë i ekspozuar ndaj shkopinjve, aq kohë do hamë shkopinj. Kur të ngremë kokën dhe të kërkojmë të drejtat tona dhe të shohim se kush është Zot në këtë vend….”, tha Vasili.
