Gjatë mesditës, PS mblodhi grupin parlamentar ku i pranishëm ishte edhe kryeministri Edi Rama. Ai është treguar mjaft i prerë, ndërsa ka urdhëruar mbledhjen e Kryesisë së partisë, duke shprehur rezerva për disa drejtues.
Rama u është drejtuar deputetëve duke u thënë se kemi disa drejtorë legena, që po na nxijnë fytyrën. Kjo me theks të veçantë në korrupsion dhe keqmenaxhim.
“Kemi ca drejtorë legena, që po na nxijnë fytyrën me korrupsion dhe keqmenaxhim”, mësohet të jetë shprehur Rama.
Nuk dihet nëse nga mbledhja e sotme është caktuar një datë se kur do të thërritet Kryesia, e cila me shumë gjasë do të pasohet nga lëvizje të mëdha në nivel drejtuesish në administratë.
