Ish-ministri i Drejtësisë, Ylli Manjani ka shpërthyer lidhur me lajmin se Shqipërisë mund t’i rikthehen vizat.
Sipas Manjanit, rikthimi i vizave është krejt normale, pasi sipas tij 31% e shqiptarëve duan diktaturë, teksa politika e sotme ka bërë që njerëzit të duan më shumë diktaturën se demokracinë.
Më tej, Manjani shkruan me anë të një postimi në Facebook se Rilindja është grupi më i aftë për të vendosur diktaturën që do populli pa pasaportë.
“Sidoqoftë Rilindja ja arriti qëllimit! Ja arriti të ngulisë mirë idenë se “më mirë me Enver Hoxhën, sesa me demokracinë”… Natyrisht Enverin skemi ku ta marrim, ndaj u krijua Rilindja”, shkruan ndër të tjera ish-ministri.
Postimi i plotë i Manjanit:
Do rikthehen vizat?!
Normal, përderisa 31% e jona duan diktaturë dhe 50% nuk janë më të bindur në demokraci. Ky është sondazhi i BERZH.
Pra e thënë më thjeshtë 50% e jona nuk do të ketë as pasaportë, ndaj ska asnjë kuptim më VIZA! Si me vizë si pa vizë pa-pasaportsi nuk ka asnjë interes….
Në këtë pikë, nuk ka më asnjë justifikim! Argument jo e jo! Politika e derisotme e ka menderosur aq shumë sa njerezit duan diktaturën më shumë se demokracinë…
Nuk ka dyshim që këtu e ka bazën spekulative grupi politik i Rilindjes! Ky është grupi që kuptoi më mirë se si fitohen zgjedhjet në këto kushte.
Ky është grupi në i aftë për të vendosur diktaturën që do populli pa pasaportë (që skanë fare ose se përdorin). Të tjerët që e përdorin po ikin, nga sytë këmbët!
Sidoqoftë Rilindja ja arriti qëllimit! Ja arriti të ngulisë mirë idenë se “më mirë me Enver Hoxhën, sesa me demokracinë”… Natyrisht Enverin skemi ku ta marrim, ndaj u krijua Rilindja.
Ta gëzojmë!
Sna ka faj Hollanda…☹️☹️☹️
P.s. Për ata 31% dua tu kujtoj se me çfarë e fshinin b….! Se letra higjenike nuk njihej…
