Aktori i njohur i humorit Julian Deda ka shpërthyer ndaj regjisorit të spektaklit “Portokalli”. Deda e ka quajtur të paaftë për të mbajtur trupën të bashkuar. Deda publikon një foto në llogarinë e tij në “Instagram” në të cilën janë renditur të gjithë aktorët e humorit që janë larguar nga ai spektakël. Me postimin e fotos Deda shkruan “ kur largohej ndonjë aktor nga “Portokallia” gjithmonë ka pasur një tendence nga ana e regjisorit aktual dhe njerëzve rreth tij, për të bërë me faj aktorët e larguar, duke i quajtur mosmirënjohës, të paafte, të dështuar apo me lloj lloj epitetesh. Në fotografi janë 12 nga aktorët më të mirë të atij spektakli. I fundit që u largua nga portokallia është Florian Bina, vetëm disa ditë më parë ai deklaroi në media se është larguar nga spektakli i humorit. Shumë media tashmë e vënë në dyshim nëse ky spektakël do të filloj këtë sezon apo jo. Deri atëherë na mbetet të presim.
Postimi i plotë i Julian Dedës
A i mbani mend keto aktore te talentuar, qe shperthyen ne fillimet e nje epoke te re te humorit ne kete vend? Sa shume pune, sa shume mund per te ngritur ne kembe nje spektakel dhe per te marre gjithe dashamiresine e publikut, te cilin e kemi vleresuesin me te sinqerte ne kete jete. Shikojini me vemendje, disa u larguan nga pakenaqesia, disa u hoqen me arrogance. Nuk me vjen aspak mire per kete qe do them, por tashme tabloja eshte e qarte, iken te gjithe. Po ta vini re, nga e gjithe trupa e pare e atij spektakli nuk ka mbetur me asnjeri aty, me perjashtim te mikut tim Marin Orhanasi (qe i uroj suksese ne vazhdim). Por pyetja eshte: pse? Gjithmone ka patur nje tendence nga ana e regjisorit aktual dhe njerezve rreth tij, per te bere me faj aktoret e larguar, duke i quajtur mosmirenjohes, te paafte, te deshtuar apo me lloj lloj epitetesh. Por pyetja qe shtroj une sot eshte: te gjithe ne qe ikem paskemi faj dhe ky zoteria qenka i kulluar? Te gjithe aktoret paskan qene njerez te keqij dhe regjisori paska qene engjelli mbi toke? Ne ishim te paaftet ketu, apo ky ishte i paafte ta mbante trupen te bashkuar? Besoj se u sqaruam me ne fund. Hajt tung.
